Ilang kilalang personalidad ang nagbayad ng multa sa Baguio City Government dahil diumano sa paglabag ng mga ito sa protocols na ipinapatupad ngayon ng pamahalaan.
Nakilala ang mga personalidad na sila Tim Yap, KC Concepcion at mismong asawa ng alkalde ng Baguio na si Mrs. Arlene Magalong.
Matatandaan na nag viral ang birthday celebration ni Yap na ginanap sa The Manor Hotel sa Baguio matapos makita ang ilang guest na hindi nakasoot ng face mask at face shield.
Umabot sa 33 ang naparusahan ng LGU ng Baguio dahil sa nangyaring birthday party.
Nagbayad ang The Manor ng 9,000 pesos na multa, habang sila Mrs. Magalong, Tim Yap at KC Concepcion ay nagbayad naman ng isang libong piso.
Ipinakita rin ng Facebook page ng Baguio ang mga resibo kung saan makikita na nagbayad na nga ng multa ang mga nasabing personalidad.
Samantala ay nag post sa Instagram si Concepcion kung saan ay pinapaalalahanan niya ang mga tao na sumunod sa health protocols na ipinapatupad ng gobyerno.
Ipinagtanggol naman ni Yap ang kanyang ginawang birthday celebration at sinabing lahat ng dumalo doon ay napatunayan na walang dinadalang sakit.
“We are all responsible citizens of this country and all we want to do is really to help restart the economy and the push for local tourism.” ani Yap.
Samantala ay nagbalak diumanong mag resign si Baguio City Mayor Benjamin Magalong bilang contact tracing czar dahil sa nangyaring birthday party.
Ngunit ayon sa palasyo ay hindi diumano ito tinanggap ng gobyerno.
“Mayor Magalong’s resignation, however, has not been accepted. He continues to enjoy the trust and confidence of the leadership of the National Task Force (NTF),” ani Presidential Spokesperson Harry Roque.
Pagtatangol ng NTF ay malaki ang naiambag ni Magalong sa gobyerno.
“Alam niyo, napakasakit sa amin nung pinasa nga niya yung aming resignation paper pero hindi po namin matatanggap kasi napakalaki po ng ginawa po ni Mayor Magalong sa amin,” sabi ni NTF chief implementer Carlito Galvez Jr.
The post KC Concepcion, Tim Yap at kahit asawa ng Baguio City Mayor, pinagmulta dahil sa paglabag sa protocol na ipinapatupad sa siyudad appeared first on Daily BNC NEWS.
Source: Daily BNC News
