Isang netizen ang may maanghang na banat sa mga bumabatikos at hindi nagtitiwala sa dumating na bakuna mula China.
Matatandaan na kanina ay sinalubong ni Pangulong Rodrigo Duterte at ng ilang opisyal ng gobyerno sa Villamor Airbase ang pagdating ng isang eroplano galing China na dala dala ang kontrobersiyal na Sinovac.
Umabot ng 600,000 dose ang ipinadalang ‘donasyon’ mula sa gobyerno ng China.
Hati ang reaksyon ng mga netizens sa nasabing bakuna lalo na’t mababa ang efficacy rate nito kumpara sa iba.
Ipinagtanggol naman ng netizen na si Jam Magno ang administrasyon sa mga pambabatikos.
Una ay sinabi niya na hindi naman diumano nahuli masyado ang Pilipinas pagdating sa pagkuha ng bakuna.
Ayon sa kanya ay 65 na bansa pa lamang ang nakakakuha ng bakuna, kasama na dito ang Pilipinas.
“Despite sa paninira niyo sa mga bakuna, nauna parin ang Pilipinas kaysa 130 na naghihintay pa na bansa para sa bakuna,” ani Jam.
Hinimok niya rin ang mga tao na huwag hayaan na mayroong oposisyon na maupo sa 2022 upang hindi maantala ang ginagawang programa ng gobyerno sa bakuna.
Naniniwala siya na maaring maging palpak kung iba ang hahawak ng nasabing programa.
“Tignan niyo nga, Yolanda palang hindi na nila naayos,” sabi niya.
Inakusahan niya rin ang ilang bansa na binatikos ni Pangulong Duterte na diumano’y nag “hoard” ng mga bakuna kaya’t kulang ang supply nito.
Ipinagmalaki niya pa na ang mga matataas na opisyal ng Sinovac ay ginamit ang mismong bakuna sa kanilang mga sarili.
Habang ang mataas na opisyal daw ng Pfizer ay hindi parin binabakunahan ang kanilang mga sarili.
Ayon sa ilang report ay tumanggi ang CEO ng Pfizer na magbakuna dahil ayaw niya diumanong manguna sa mga nangangailangan.
“Bakit yung CEO nila ayaw magpabakuna ng sarili niyang gawa? Hindi niyo naisip ‘yun?” tanong ni Jam.
Umabot ng 2,500 reaksyon ang nasabing post ni Jam.
Kilalang taga suporta ng Pangulo ang nasabing vlogger.
The post “Isip isip!” Netizen may maanghang na banat sa mga hindi nagtitiwala sa bakunang dumating sa Pilipinas appeared first on Daily BNC NEWS.
Source: Daily BNC News
