Handang handa na daw ang alkalde ng Manila City na si Isko Moreno na magpaturok ng bakuna galing China.
Sa kanyang talumpati sa Philippine General Hospital, sinabi ni Isko na ire-respeto niya ang desisyon ng ilang healthcare worker na tatanggi na magpaturok ng Sinovac.
Ngunit ayon sa kanya ay kung siya ang masusunod ay dapat ay magpaturok na sila sa lalong madaling panahon.
“I will respect you, your views. But kung ako tatanungin ninyo bilang ama ninyo sa lungsod, hinihikayat ko kayo. Huwag ninyong ipagpabukas. Huwag ninyong ipagbakasakali ang kaligtasan ninyo. Mahalaga na makamit ninyo ang proteksyon sa lalong madaling panahon. Samahan ko kayo sa inyong pangamba. Let’s get vaccinated,” ani Isko.
Sinabi niya na siya ay magpapaturok kapag tapos na ang mga healthcare workers.
“Pagkatapos mabakunahan ang mga medical health frontliners, magpapabakuna ako ng Sinovac. Magpapabakluna ako ng bakunang available sa lalong madaling panahon kapag kami’y pinayagan na ng regulasyon,” saad niya.
Matatandaan na isa ang Maynila sa mga pinakahandang siyudad sa Pilipinas para sa vaccination program ng gobyerno.
Nagbiro pa nga ito noon dahil mas dumami pa daw ang mga tarpaulin sa Maynila kaysa sa bakuna dahil sa ilang beses na pagkadelay ng shipment nito.
“So, we are ready to deploy, talagang… kaya nga may joke dito sa Manila eh, nakakatawa nga ‘yong mga joke dito kasi ang daming mga tarpaulin. Bumaha ng tarpaulin, hindi vaccine.” saad ni Moreno.
The post Yorme Isko, handang magpaturok ng Sinovac sa lalong madaling panahon appeared first on Daily BNC NEWS.
Source: Daily BNC News
