Hindi na napigilan pang maiyak ng komedyante na si Bearwin Meily sa panayam sa kanya ni Ogie Diaz.
Sa nasabing pahayag, ibinahagi ni Bearwin na mayroon na siyang negosyo ngayon na nakapwesto sa Octagon Fashion Strip sa Taytay Rizal.
Ayon sa kanya ay naisipan niya na lamang magtinda ng pagkain dahil sa wala siyang mga proyekto ngayon.
Kwento niya pa, bago pa lamang daw magkaroon ng pandemya sa Pilipinas ay namomoblema na siya sa kanyang career.
“Alam mo ‘Gie, bago pa naman mag-pandemya tinamaan na ako, eh. Bago pa mag-pandemya hindi na rin naman ako nabibigyan ng chance sa TV, ang huli natin ‘yung Home Sweetie Home matagal na ‘yun, di ba?
“Itong pandemyang ito ‘yung pinakamabigat, number 1, ‘yung events na raket natin talagang nawala rin. Ang medyo tinitingnan ko lang na magandang perspective is hindi lang ako ang dumaan sa problema, hindi lang ako ang nag-iisang naapektuhan, in fact marami pang iba,” saad ng komedyante.
Nagumpisang maluha si Bearwin habang ikinukwento ang pagbagsak niya.
Dito niya inamin na naibenta niya ang napundar niyang bahay dahil wala na siyang mahanap na paraan para kumita ng pera.
“Nakabili ako ng bahay, tumakbo akong konsehal dito sa Taytay hindi rin naman pinalad. So at first maghahagilap ka at wala ka rin namang aasahan dito, walang industriya, walang trabaho, hindi ka nanalo, so wala kang ibang kakapitan kundi ang Diyos.
“So, after mong maghagilap para sa mga bayarin, next is you surrender. ‘Yun ‘yung mahirap, masarap pakinggan pero mahirap gawin. Kahit hindi mo matanggap na ibenta ang bahay mo, ibebenta mo, eh. Binenta namin ang bahay namin. One thing wala kaming pambayad kaysa maremata ng bangko binenta ko,” ani Bearwin.
Sa ngayon ay nagrerenta na lamang si Bearwin at ang kanyang pamilya.
Malaki padin ang pasasalamat ni Bearwin dahil kasama niya padin ang kanyang pamilya.
“Ako naiiyak ako it’s human nature na malungkot ako from the past but where I am right now it’s really a big blessing compared to others. Even seeing my family, my kids growing up. Napapagraduate ko, napapaaral ko sila nang maayos sa hirap sa tiyaga – naghuhugas ako, nagbebenta ako, nagluluto ako, ni kailan hindi nagkulang ang Panginoon sa amin,” sabi niya.
Naging kilala si Bearwin sa kanyang mga palabas noon sa GMA-7 at ABS-CBN.
Lumabas din siya sa ilang pelikula.
The post Bearwin Meily naluha matapos aminin na ibinenta niya ang kanyang bahay: “Ang daming nawala sa akin..” appeared first on Daily BNC NEWS.
Source: Daily BNC News
