Ibinahagi ng aktres at ngayo’y food vlogger na si Judy Ann Santos ang kanyang nararamdaman kapag tinatanong ng kanyang adopted daughter na si Yohan kung nasaan ang magulang nito.
Sa panayam sa kanya ni G3 San Diego, sinabi ni Juday na gumagawa siya ng paraan para hindi masaktan ang kanyang anak tungkol sa nakaraan nito.
Kwento niya ay ipinagdasal niya noon na maipalam kagad kay Yohan na siya ay adopted.
“She needs to know that the word adopted o adoption, hindi siya masama, tanggalin ‘yung stigma na ‘yan,” ani Juday.
Unti unti naman niyang ipinaalam ito kay Yohan at nag simula ito ng apat na taong gulang pa lamang ang kanyang anak.
“It was a process of answering her questions, telling her the real situation and of course at some point ayaw mo din naman kasing ialis yung right nila na magtanong sa kung sino sila,” saad niya.
Naging emosyonal naman si Juday ng magkwento siya tungkol sa tanong ng ni Yohan kung kailan niya maaring makita ang tunay niyang mga magulang.
Ayon sa kanya ay ayos lang naman sa kanya na makita ni Yohan ang kanyang biological parents ngunit sa loob loob niya ay nasasaktan siya.
“Si Yohan at some point, palagi siyang nagtatanong ‘Do you know my mom? What if I want to see her?’ so I always tell her ‘you just let me know when you want if at some point, someday you want to meet your biological parents, it’s fine, I’ll find a way’.
“Pero syempre habang sinasabi ko ‘yun para akong sinasakal, parang pigang piga ‘yung puso ko, but that’s her right and kahit naman ako kapag andoon ako sa sitwasyon na ‘yon marami ka ring question,” kwento niya.
View this post on Instagram
Pinayuhan din niya ang ilang mga magulang na aminin ng mas maaga sa kanilang mga adopted child ang totoo dahil baka lalo lamang masaktan ang mga bata.
“if there’s one advice that I could give to adopted parents out there, wag niyong pagalin,” sabi ni Juday.
“Ang takot ko kasi, malaman niya sa ibang tao,” dagdag niya pa.
The post Judy Ann Santos, ibinahagi na nasasaktan siya kapag nagtatanong si Yohan tungkol sa tunay nitong magulang: “Para akong sinasakal” appeared first on Daily BNC NEWS.
Source: Daily BNC News
