Naging emosyonal si Dennis Padilla habang ikinukwento ang pagpapalit ng apelido ng kaniyang mga anak kay Marjorie Barreto.
Sa panayam sa kanya ni Ogie Diaz, nagsalita siya tungkol sa kanyang mga realization sa buhay at ang paghingi niya ng tawad sa mga nagawa niya ng kasalanan sa dati niyang asawa na si Marjorie at sa mga anak niya.
“Ako talaga ‘yung may kasalanan, ako ‘yung may pagkukulang, kasi dati hindi ko tinatanggap na kasalanan ko,” ani Dennis.
“Ako talaga ‘yung maykasalanan sa paghihiwalay namin,” dagdag niya pa.
Ikinuwento niya din ang pag iiba ng apelido ng kanyang mga anak para sila ay maging “Barreto” imbis na “Baldivia”.
Ayon sa kanya ay marami siyang tanong sa kanyang sarili kung bakit kailangan magpalit ng apelido ng kanyang mga anak.
“Sabi ko ‘bakit kailangan palitan yung family name’ e samantalang mas kilala naman talaga sila ng tao sa apelidong Barreto.
“Ang katwiran nila Julia din was kasi daw para hindi sila illegitimate child kasi kung Baldivia e illegitimate daw sila,” saad ni Dennis.
Hindi narin daw nagtanong si Dennis at tinanggap nalang ang paliwanag ng kanyang mga anak.
Hanggang ngayon daw ay hindi niya na tinatanong si Julia kung Barreto na nga ba ang ginagamit niyang apelido sa mga opisyal na dokyumento.
“Natatakot akong magtanong,” sabi niya.
Matatandaan na noong 2014 ay nag umpisa na kumalat ang balita tungkol sa plano ni Julia na palitan ang apelido niya.
Hindi naman pumayag si Dennis dito at kinontra niya ang petisyon ng kanyang anak.
Ngunit nitong 2015 ay may mga balita na kumalat na hindi na itutuloy ni Julia ang plano niyang pagpapalit ng apelido.
“It’s the first time I will be speaking about it. I feel that right now there’s really no need to change my last name,” ani Julia noong 2015.
Pero sa ngayon ay hindi parin malinaw kung ano na ang apelidong ginagamit ngayon ng aktres.
The post Dennis Padilla, naging emosyonal matapos ikuwento ang plano noon ni Julia na ibahin ang kanyang apelido sa Barreto appeared first on Daily BNC NEWS.
Source: Daily BNC News
