Ikinagulat ng mga netizens ang reklamong natanggap ng aktres na si Alma Moreno dahil sa hindi diumano nito pagbabayad ng renta at kuryente.
Inireklamo si Alma ng isang Overseas Filipino Worker (OFW) na naka base ngayon sa Dubai dahil ilang buwan daw na namalagi ang aktres sa kanyang condominium unit sa Paranaque ngunit hindi man lang daw siya binayaran nito.
Ipinakita ng complainant na si Theresa Grenard ang isang video kung saan makikita na tila parang iniwan nalang basta basta ni Alma ang nirentahan niyang condo dahil sobrang dumi ito ng kanilang silipin at sira narin ang ilang gamit.
Lalo pang nagkaproblema si Theresa ng umabot na ng mahigit 40,000 pesos ang bill ng kuryente na hindi pa daw nababayaran ng aktres sa kanya.
Hindi pa kasama dito ang limang buwan na renta na hindi diumano nabayaran ni Alma.
Hirap narin daw ang complainant na ma-contact sila Alma.
Nalaman din nila na bigla nalang umalis ang aktres sa kaniyang condo unit ng walang paalam.
Nangako naman daw ang kampo ni Alma kay Theresa na uunti untiin daw nila ang bayad sa upa at sa kuryente.
Sinubukan naman kausapin ni Tulfo si Alma on-air ngunit tumanggi ang aktres.
Tila nadismaya naman si Tulfo dahil ang gusto ni Alma ay mag usap usap sila ng hindi maririnig ng publiko.
Nagbigay naman ng mensahe si Alma at sinabi na alam naman daw ng Diyos na wala siyang kasalanang ginagawa.
Wala pa naman balak si Theresa na magsampa ng kaso laban kay Alma at gusto lamang nito na mabayaran ng aktres ang kanyang utang.
The post Tumakas daw! Alma Moreno, inireklamo dahil sa hindi daw nito pagbabayad ng renta at kuryente appeared first on Daily BNC NEWS.
Source: Daily BNC News
