Marami ang naantig sa istorya ng batang magsasaka na si Reymark Mariano ng Sultan Kudarat matapos siyang itampok sa magazine show na Kapuso Mo, Jessica Soho.
Isa si dating Senador Jinggoy Estrada sa mga taong humanga sa kasipagan ni Reymark na sa murang edad ay napilitan ng mag araro.
Mismong si Estrada ang kumausap kay Reymark nitong May 29 sa online show na “JingFlix” at tinanong siya nito tungkol sa kanyang mga naging karanasan sa buhay.
Dito na nagkwento ang batang magsasaka tungkol sa kanyang buhay at sa kanyang mga magulang.
Kwento ni Reymark ay walong taong gulang pa lamang siya ng siya ay mag umpisang mag araro ng bukid dahil sa hindi na kaya ng kanyang lolo at lola na magtrabaho ng mabigat.
Tinanong din ng dating senador si Reymark tungkol sa ina nito na si Analyn.
“Nanay ko po may bago na pong asawa, tapos yung tatay ko po hindi ko narin po makita,” agad na sagot ni Reymark.
Natawa naman ang dating senador dahil hindi kilala ni Reymark si dating Pangulong Joseph Ejercito Estrada.
Lalo namang napahanga ang mga netizens ng sabihin ni Reymark kay Estrada na tatanggapin niya kung ano man ang ibibigay ng dating senador sa kanya.
“Hindi na po ako ang mag desisyon, sa inyo nalang po kahit ano po ang ibigay niyo sakin, tatangapin namin kahit ano po tatanggapin po namin,” sabi ni Reymark.
Dito na sinabi ng dating senador na pag-aaralin niya si Reymark.
“Magaling itong bata na ito, pati ako pinahanga mo.. mamaya mag usap tayo after this show tatawagan kita.
“Pag aaralin kita, dahil mukhang matalino ito,” sabi ni Estrada kay Reymark.
Maraming netizens naman ang natuwa sa ginawa ni Estrada na pagtulong kay Reymark.
Sa ngayon ay hindi na kailangan pang mag araro ng bata dahil sa pag ulan ng tulong sa kanya.
Inaasahan na matututukan na ni Reymark na pangarap maging sundalo ang kanyang pag aaral.
The post Jinggoy Estrada, nangako na pag aaralin ang batang magsasaka na si Reymark Mariano appeared first on Daily BNC NEWS.
Source: Daily BNC News
