Sa unang pagkakataon ay nagsalita na ang dating TV host na si Ruby Rodriguez tungkol sa kanyang pagkawala sa Eat Bulaga.
Matatandaan na madaming netizens noon ang nagtaka kung bakit tila tahimik si Ruby tungkol sa kanyang pagkawala sa nasabing noontime show.
Lalo pang naging interesado ang mga netizens ng sabihin niya sa isang follower niya na dapat ang tanungin niya ay ang management ng Eat Bulaga kung bakit siya nawala.
“Sila tanungin mo,” sabi ni Ruby noon sa isang netizen.
Sa panayam ng PEP nitong May 31 ay binulgar na ni Ruby kung bakit nga ba siya nawala sa Eat Bulaga matapos ng 30 taon niyang pagiging host doon.
Ayon sa kanya ay hindi niya maiwasan na mapaisip at malungkot kung bakit siya inalis sa Eat Bulaga kahit na tatlong dekada siyang naging parte ng nasabing palabas.
“Aaahh, paano ko ba sasabihin? Iniisip ko kung malaki o maliit. Hindi ko alam kung pain ang word or disappointed, kasi siyempre I’ve been with you for 31 years and just like that.” ani Ruby.
“I mean, walang pagpapahalaga ba? I mean, yun ang naging question ko lang,” dagdag niya pa.
Kwento niya pa ay nakausap niya ang mismong si Tony Tuviera, ang CEO ng Tape Inc. na siyang may hawak ng Eat Bulaga.
Sabi niya ay balak niya lamang mag file ng leave of absence noong March 2020.
“Actually, hindi ako umalis kasi nagpaalam ako na magli-leave of absence lang ako. Ang sabi sa akin ni Mr. Tuviera, ‘You will always have a home here in Eat Bulaga.’ At siyempre, inasahan ko ‘yon.
“So, when they started to go on air, it’s their decision kung sinong pababalikin nila. Ang makasasagot lang kung tinanggal ako o hindi ay sila. That’s why I always say, ‘Please ask them.'” saad ni Ruby.
Nirerespeto niya naman ang desisyon ng management ng Eat Bulaga.
“With regards if they take you out just like that, they just drop you like a hot potato, I think it’s them who can answer that.”
Sa ngayon ay nakakuha na muli ng bagong trabaho si Ruby sa Philippine Consulate sa U.S.
Bukas parin naman si Ruby na magtrabaho sa Pilipinas dahil hawak naman na siya ngayon ng VIVA artist agency.
The post Ruby Rodriguez, ibinahagi ang pagka alis niya sa Eat Bulaga makalipas ng 30 na taon: “Walang pagpapahalaga ba” appeared first on Daily BNC NEWS.
Source: Daily BNC News
