Si Raffy Tulfo na nga ba at Willie Revillame ang sagot sa hindi matapos tapos na problema ng bansa?
Yan ang tanong ng kilalang showbiz writer na si Lolit Solis sa kanyang Instagram post kung saan ay napaisip siya kung tatakbo at mananalo sila Tulfo at Revillame na kilalang malapit sa mahihirap na Pilipino.
Ayon sa kanya ay malakas daw sa presidential at vice presidential survey sila Tulfo at Revillame na pawang mga kilalang host.
Mahirap daw matapatan ang popularidad ng dalawang celebrities at maaring malakas ang kanilang tsansa manalo kung sila nga ay magiging tandem sa 2022.
“Nag wild ang imagination ko, kung sakali kaya na maging President Raffy Tulfo at Vice President Willie Revillame na ang ating mga leaders, maging maganda na kaya takbo ng Pilipinas ? Maging maayos na kaya mga problema, at matutulungan na kaya lahat ng mahirap, may sakit, at hindi makapag aral ? Maiba na kaya takbo natin dahil hindi na mga datihan pulitiko ang naka upo ? Mag iba kaya ang ihip ng hangin dahil nawala na ang mga traditional politicians?” ani Solis.
“Who knows di bah, baka naman hindi natin alam na iyon hinahanap natin Lee Kuan Yew nasa katauhan pala nila Raffy at Willie. Nobody knows di bah?” dagdag niya pa.
Ikumpara niya din sila Tulfo at Revillame sa mga celebrities na naging matagumpay na politiko.
“Hindi akalain ng taga Ormoc na magiging good mayor si Richard Gomez but he was doing a very good job sa Ormoc, si Vilma Santos Recto turns out to be a good working politician,” saad niya.
Baka diumano sila Tulfo na at Revillame ang sagot sa problema ng Pilipinas.
“Kung sa ngayon malapit na sa mga mahirap sila Raffy at Willie, baka naman sila na nga ang sagot sa grabeng graft and corruption, sa mga hinaing ng mga mamamayan. Let us try, let us wait, baka naman iyon nakita ng mga isinali sa survey hindi nakita nuon iba , kaya masaya ito pag natuloy, 2022, iboto , Wanted Itutok to Win, Papa Raffy , Kuya Willie, laban na, bigyan ng jacket iyan,” ani Solis.
Matatandaan na parehong itinanggi na noon pa ni Tulfo at Revillame na balak nilang tumakbo sa politika.
The post Lolit Solis, napaisip kung tatakbo si Raffy Tulfo bilang Pangulo at Willie Revillame bilang Vice: “Baka sila na ang sagot sa graft and corruption?” appeared first on Daily BNC NEWS.
Source: Daily BNC News
